{ .. الملك يتغلب عالمحرق 1-0 على ارضه .. و هاردلك عالخساره ~

السلام عليكم ..

اول شيء احب اقول هاردلك لكل عشاق شيخ الأنديه الخليجيه ..

نادي المحرق البحريني ..

واحب اشكر اداره النادي على اسلوبها في تعاملها مع نادينا ..

واعتقد نفس الإسلوب الراقي الي لقيناه عندكم راح تلقونه عندنا..

وحياكم الله في بلادكم الثانيه قطر و يبين الحسم ..

لكن قبل كل هاي ..

انا تصفحت المنتدى بسرعه .. وشفت ردود كثره تقلل من فوز نادي قطر ..

على راسهم اختي محرقيه _7 ..

فـ احب اهديج هالموضوع .. =)

طبعاً معروف في كره القدم ان الفايز نقوله مبروك و الخسران نقوله هاردلك ..

وطبعاً الفايز يفرح و من حقه لأن فايز .. و الخسران يبرر خسارته ..

لكن ماتوصل إلى التقليل من فوز فريق الخصم .. !

وللإسف هاي إلي شفته من " بعض " الأعضاء الموجودين في هالمنتدى الراقي ..

كلنا اخوان .. لكن لين هني ونقول ٍStop ..

نادي قطر استحق الفوز .. السيطره كانت لنا .. و مع العلم ان المباراه خارج ملعبنا ..

إلا ان قدرنا نسيطر عالكوره .. و نشكل ضغط كبير على عميد الأنديه البحرينيه ..

وسجلنا و ضيعنا اكثر من فرصه محققه .. وفي كم كوره في العارضه ..

اعتقد ان كل هاي دليل ان نادي قطر قدم مستوى افضل من المستوى الي قدمه نادي المحرق ..

فـ ليش نشوف ردود تقلل من فوز الملك ..

هل لـ تبرير خساره المحرق ..؟ فـ نقول و نستنقص فوز الفريق الثاني ..؟!


وفـ نهايه الموضوع احب اقول هاردلك لكل مشجع لنادي المحرق ..

واقول مبروك لكل مشجع لنادي قطر القطري ..

و البطوله تم تأسيسها علشان تقرب الشعوب الخليجيه من بعض ..

و احنا راح نتشرف بزياره نادي المحرق إلى بلاده الثانيه قطر ..

و ان شاء الله راح يلقون نفس التعامل إلي عاملونا اياه فـ البحرين ..

و الوعد 23-3-2010 .. فـ قلعه سحيم بن حمد علشان نحسم التأهل ..