1- خطه الاهلي المحكمه: الصراحه حبيت احيي لاعبين الاهلي على ادائهم الرجولي وتطبيق الخطه بحذافيرها وحبيت اهني مدربهم القدير الي بث فيهم الروح واهمه كلهم لاعبين شباب.. خطتهم كانت عباره عن الدفاع المستميت والضغط الموطبيعي على حامل الكره والي بدوره اربك لاعبينه وخلاهم يتوهون وبما ان دفاعنه له هفوات كثيره ومعظم الاهداف كانت تدخل علينه من هجمات مرتده, الاهلي استقل هالهفوه حاله حال غيره ونجح في هالخطه 100%.
2- ملعب المباراه: انا كنت من اشد المعارضين ان تكون المباراه في ملعبنه لان الناس تفكر واحنه مانفكر!! ادارتنه مشتطه ومستنه وتقول الا في ملعبنه!! انزين مافكرتو ان الملعب صغير وكل الفرق تستذبح جدام المحرق وتدافع؟؟ والاهلي ينافس على اللقب وبيسوي هالخطه واذا سجلو قول بيصكون الملعب اكثر واكثر؟؟ وهذي الي صار!! تكتل دفاعي رهيب ومافي مساحات كلشّ!! قالها مايسترو المحرق الشيخ خليفه ومحد عطاه ويه!!
3- خط الوسط: كان تايه وضايع وراجع حق الدفاع اكثر والهجوم لاصقين في دفاعات الاهلي وصارت فجوه كبيره بينهم وسهلت مأموريه لاعبين الاهلي وسهوله تطبيق خطتهم.
4- الاعبين الاساسين : ليش فهد شويطر لعب دفاع وعبدالله امان احتياط؟؟ ليش ماخلينه فهد ورقه رابحه ويلعب في الامام في حاله الخساره ونبي نزيد الغله الهجوميه؟؟
5- التبديلات : مادري في شنو كان يفكر شريده! عبدالله وحيد كان انشط لاعب واكثر واحد يتحرك في الملعب تروح تبدله وتدخل الدخيل وتحطه في مكانه ليش؟؟ ضلمت اللاعب وضلمت الدخيل الي كنه نبيه يكون داخل البوكس لان خطورته تكبر! وثاني شي شنو ضاف سيد ضياء؟؟؟ عيسى غالب كان احسن وكان لازم وحيد يتم مكانه ويتم اخراج بيليه والدخيل يصير داخل.
6- الحاله النفسيه: لاعبينه كلهم كانو متشتتين وضايعين! مب عارفين شنو يسوون وشلون يلعبون! هل تم اعدادهم بالطريقه الصح؟؟ او حطو في بالهم ان بنغلبهم 10 صفر لان في ملعبنه؟؟؟
7- دراسه الخصم : هل احنه درسناهم نفس ما اهمه درسونه؟؟ اهمه استخدمو الدارت فش وحللونه تحليل! احنه شنو سوينه؟؟
واخر شي لحد يقط اللوم على الحكم..اوكي ماحسب بلنتي..انتو لازم تعرفون ان ربعكم شنو سوو في 90 دقيقه؟؟ ولومو لاعبينكم الي ماقدمو شي وكانو اشباح في الملعب ولمو مدربكم الي ماعرف شلون يوضف لاعبينه وتبديلاته العشوائيه ولومو ادارتكم الي مانقلت المباراه حق ملعب الوطني ...
تحياتي