>> ضربة الامام علي عليه السلام <<

السلام عليكم

..

بسم الله الرحمن الرحيم

و الصلاة و السلام على اشراف الانبياء و المرسلين محمد و على آله الطيبين الطاهرين

هاذي قصة عن الامام علي بس انا بقولها باسلوب يضحك يعني شوي خخ لان ابويا كان دايمً يقولها و احنا صغار بهالطريقة , اللي اذكره بكتبه , باللغة العامية بكتبها
يقولك معاوية كان عنده مقاتل قوي يلقبونه بالضحاك , و الضحاك هذا بروحه قوته عن قول تقريبا و لا الف فارس , يعني بروحه هو جيش , المهم و معاوية كان يوصي الضحاك و يقول ليه اذا معركة يشارك فيها الامام علي ما يشارك فيها هو , انزين في يوم كان الضحاك جالس في الخيم و متملل و شاف من بعيد ابن عم الامام علي , و معاوية طبعا ما يدري فيه , فراح له و قال ما تريدني ادخلك الجنة و جذي على انه بيقتله يعني فقال ايه بس اول شي راح يستأذن من سيده , ف راح و قال للامام علي انه راح يقاتل الضحاك لكن الامام علي قال لا اذا يعني قاتلته اكيد بيقتلك , قاله تدري عطني عمامتك و ردائك و لبسهم الامام علي , المهم و بعدها ركب الجواد و هو متلثم و راح للضحاك , الا ذاك الغبي يقوله ها جيت , و الامام علي يناظره و هو ساكت ـههههـ , في نفس الوقت معاوية يسأل شصاير اللي يقولون ليه برز للضحاك , اللحين معاوية يفكر الامام علي ترك يبرز للعباس , طاح قلبه ـهههـ , اقوى جنوده , و قال للجنود شلون تخلونه يروح و مدري شعنه و الجنود يقولون ليه اللحين خلاص بعد , انزين الامام علي رفع السيف و لوحه بضربة سرعتها كانها مثل البرق و من سرعة الضربة يقولك الضحاك ما حس فيها الا يقول للامام علي و هو يبتسم الاهبل: أخطأتني , قال له الامام علي :

انا منذ ان ولدتني امي لم أخطأ

و بعدين قال له: تحرك , ـهههـ انزين و ذاك بس حرك ايدينه بيلف الا باااااخ خخ << ما اعرف شلون اكتب الصوت , المهم يعني طلع صوت لان الضحاك كان ضخم , عاد معاويه كان يناظر اللي قاعد يصير من خيمته و يلطم على راسه ـههههـ انزين اللحين يبون يعرفون هذا الامام علي لو , فشنو قال معاوية بنرسل الكتيبة كلها الجيش يعني كله , اذا هرب يعني هذا , و اذا الجيش هو اللي هرب يعني هذا الامام علي , انزين و ارسلو الجيش كله و عاد ما يدور لك الا الغبرة قايمة و الرجايل تتطاير و الروس تتطاير و اللي يركض و حامل ايده او رجله ـههههـ و الجيش بكبره تخيلو يركض خايف من الامام علي

و كملت السالفة , هذا اول موضوع لي في المنتدى ان شاء الله عجبكم عاد , و نلتقي ان باذن الله في مواضيع اخرى , في امان الله

سلام ..